f_150_100_15790320_00_images_News_122016_1912__DSC0294.JPG

Кудайдаҥ берилген јайалталу, эки колдоры эпчил устардыҥ эдимдерин кӧргӧндӧ кижиниҥ кӧӧзи кайкаар, јӱреги сӱӱнер. Бистиҥ калада јаткандардыҥ тоозында бойлорыныҥ колдорыла эдимдер јазап турган улус ас эмес. Олор бойлорыныҥ јазалдарын јӱзӱн-бащка кӧрӱ-выставкаларда јаантайын кӧргӱзип, кӧрӧӧчилерди кайкададылар.

Бу ла кӱндерде ӧткӧн Арасейдеги Киноныҥ јылыныҥ, Алтай Республиканыҥ Билениҥ јылыныҥ ла Арасейдеги экологияныҥ јылыныҥ ачылтазыныҥ кӧдириҥилӱ байрамдык кӱнинде јуулгандарды устар бойлорыныҥ јазалдарыла таныштырдылар. Бу кӧрӱ-выставкада кандый эдимдер јок деер:  керамикадаҥ јазалган сыгыруштар, коҥколор, јарангыштар, јинји-сыргалар, бӧстӧҥ кӧктӧлгӧн балдардын ойынчыктары, самындар, кижи коло соккон бӧстӧр, кийистеҥ ле койдыҥ терезинеҥ эдимдер, агаштаҥ јазалган топшуурлар, айылдыҥ ичине керектӱ эдимдер, шаҥкылар ла оноҥ до ӧскӧлӧри. Бу ончо јарашты эл-јонго сыйлап турган устардыҥ адын адабаска болбос: Я.Г. Кондратьева – керамикала, јинјилерле ус, М. Жукова – открыткалар јазаар ус, М.А. Наурчаков – топшур, икили јазаачы, Д.Н. Зорькин – агаштаҥ 3D эдимдер чӱмдеечи, Л.И. Кукакова – шаҥкылар јазаар ус, ООО «Кезер» - тыт агаштаҥ, мӧштӧҥ, керамиканаҥ јазалдар јазайт, база бир агаштаҥ эдимдер јазап турган ус – А. Калайда, О.С. Бревнова самындар јазайт, Г.М.Неупокоева – бӧстӧр согот, Е.В. Тамашова – камзаши ла ус, О.К. Мекешова – кийис ле койдыҥ терезиле иштенет, база бир кийис базаачы – О.Н.Саватова, јинји-сырга јазап турган кижи – Л.Б. Тенова.

Кижиниҥ бойыныҥ колдорыла јазаган эдимдериле јилбиркеп турган улус устардыҥ кӧрӱзин јаҥар айдыҥ 24-чи кӱнинде каланыҥ тӧс тепсеҥинде ӧдӧтӧн јарымкада таныжып, садып алар аргалу.

 f_150_100_15790320_00_images_News_122016_1912__DSC0313.JPG f_150_100_15790320_00_images_News_122016_1912__DSC0329.JPG f_150_100_15790320_00_images_News_122016_1912__DSC0332.JPG f_150_100_15790320_00_images_News_122016_1912__DSC0337.JPG f_150_100_15790320_00_images_News_122016_1912__DSC0426.JPG

Joomla SEF URLs by Artio